қозғалысты қамтамасыз ету жасағы

(Отряд обеспечения движения)

негізінен, инженерлік, сондай-ақ мотоатқыштар (танк) және де басқа бөлімшелерден тұратын, әскерлер қозғалысы кезінде бағыттағы дайындау және жарамды жағдайда ұстауға арналған уақытша әскери құрылым. Қарулы күштерде Қ.қ.ж. шеру, бетпе-бет ұрыс, шабуыл, (әскерлердің жазылу шептеріне жылжуы кезінде), қудалау, сонымен қатар шегіну кездерінде құрылады. Азаматтық қорғаныс құрылымдарында Қ.қ.ж. негізгі күштерді, зақымдану ошақтарына жылжу мен кіру жолдарын дайындау үшін құрылуы мүмкін. Қ.қ.ж. құрылым мен жабдықталуы алға жылжитын әскерлердің құрамына, іс-әрекет сипатына, бағыт пен жергілікті жер жағдайына, бөгеулер мен қиратулар сипатына, жыл мезгілі және ауа райы жағдайына байланысты анықталады. Қ.қ.ж. бағытқа барлау жүргізеді, лектік жолдар салады, бөгеулер мен қиратулардан өтпелер жасайды, жолдардың бұзылған бөліктерін қалпына келтіреді, табиғи бөгеттерден (ені шағын өзендер, каналдар, орлар және т.б.) өткелдер жасайды. Түрлі міндеттерді орындау үшін Қ.қ.ж. құрамын, әдетте, төмендегідей топтарға бөледі: барлау, бөгеттерді аршу, жол-көпірлік және ұрысты қамтамасыз ету (бойтасалау).